Itsas energia berriztagarriak itsasoko energia-iturriei dagozkie, eta berriztagarritzat jotzen dira jatorri naturalekoak izanik birsortzeko ahalmena dutelako. Energia horiek ozeanoaren ezaugarriak aprobetxatzen dituzte, eta potentzial handia eskaintzen dute elektrizitatea sortzeko eta beste erabilera batzuetarako.
ZER MOTATAKO ITSAS ENERGIA BERRIZTAGARRIAK DAUDE?
ITSAS ZABALEKO (OFFSHORE) ENERGIA EOLIKOA
Itsasoan, normalean ur sakonetan, turbina eolikoak instalatzean datza. Turbinek haizearen energia zinetikoa hartu eta elektrizitate bihurtzen dute. Itsas zabaleko energia eolikoak potentzial handia du, itsas zabalean lehorrean baino haize indartsuagoak eta konstanteagoak daudelako.
OLATU-ENERGIA
Ozeanoko olatuen mugimendua erabiltzen du elektrizitatea sortzeko. Olatu-energia harrapatzeko, buiek edo panel flotatzaileak erabiltzen dira, besteak beste; olatuen energia energia mekaniko bihurtzen dute, gero elektrizitate bihurtzeko.
MAREA-ENERGIA
Mareen energia zinetikoa aprobetxatzen du elektrizitatea sortzeko. Hainbat teknologia erabil daitezke horretarako, hala nola marearen korronteko turbinak (marearen fluxu eta errefluxuarekin biratzen dutenak) eta uraren maila-aldaketaren energia harrapatzen duten marea-hesiak.
ENERGIA FOTOVOLTAIKO FLOTATZAILEA
Itsas energia fotovoltaikoak eguzki-energia aprobetxatu nahi du, ur-gorputzetan (lakuak, urtegiak, urmaelak eta itsasoak) eguzki-panel flotatzaileak instalatuz.