Ostirala, 2025ko irailak 26
17:00-22:00
Aurten ere, Europako hiriek bat egin dute IKERTZAILEEN GAUA ospatzeko, zientzia kalera eramateko hitzordu berezi honetan.
Aurten, 100 ikertzaile baino gehiago, itsas energia berriztagarrietan eta klima-aldaketaren aurkako borrokan diharduten beste diziplina batzuetan arituak, Barakaldon elkartuko dira gau oso berezi bat ospatzeko: esperimentuak, jokoak eta publiko guztientzako sorpresa ugari izango dira.
Gainera, aurten, jarduera kopuru bat osatuz parte-hartze ziurtagiria lortzen dutenek beren eskola eta ikasgela sari bat eskuratzeko aukeran lagunduko dute.
Erakusketak eta Erakustaldiak
Erakusketak
Itsas ikuskapenen Dron hegaldi-erakustaldiak
Urazpiko roboten erakustaldia
Badakizu urpeko robotak ezinbestekoak direla urpeko egituretan ezkutatzen dena ikuskatzeko? Horiekin, gailuen osotasuna egiaztatzen dugu mantentze-lanak planifikatuz, eta itsas azpian ezkutatzen den fauna aztertzen dugu. Arrainei izugarri gustatzen zaizkie energia sortzeko gailuek ematen dituzten ezkutalekuak! Hurbil zaitez eta urpeko ikuskapenetan erabiltzen ditugun robotak ikusi ahal izango dituzu.
Gainera, eskoletako gure tailerretan bigarren hezkuntzako ikasleek fabrikatutako robotak erabiltzeko aukera izango duzu.
Tailerrak eta esperimentuak
Experimentu txokoak
Ikerketa txokoak esperimentu zientifikoekin ukituz ikasteko
Olatuen energia lortzeko gailua, botila batean itsasoko olatuak sortuz, korrosioak nola jokatzen duen ikasi, ur azpian kableak konektatuz, ur gazituaren eroankortasuna, uraren propietateak ezagutzen, karbono aztarna kalkulatu, ur-zurrunbiloak nola sortzen diren, eta abar.
Aerosorgailuak muntatzeko tailerra
STEMTOKIA - HYDROGYRIOS
Hydrogyrios taldea, 16 eta 17 urteko ikaslez osatua, bere robota SARAMS (Sistema Automático de Recogida y Análisis de Muestras Submarinas – Itsaspeko Laginen Biltze eta Azterketa Automatikorako Sistema) aurkeztuko digu. Robot honek itsaspeko laginak modu eraginkorrean biltzen eta aztertzen ditu. SARAMSekin Asia Pacific Open Championships lehiaketan parte hartu dute, nazioarteko txapelketa bat, Australian, Sidneyn ospatua.
Bideojokoekin haize-energia ikasten dugu
Planet Rescuers bideojokoaren gaming gunea.
Planet Rescuersen helburua belaunaldi berriei STEM (Zientzia, Teknologia, Ingeniaritza eta Matematika) diziplinekiko interesa piztea da, Minecraften unibertso ezagunaren bidez. Bere ibilbidean, jokalariek gizarte eredu iraunkorra lortzeko bide zail baina zoragarria alboratuko dute. 8 eta 14 urte artean gomendatzen da.
Haurrentxako gunea
Oregauako haur-gunea Euskal Herriko Unibertsitateko (EHU/UPV) Hezkuntza Fakultateko ikertzaileek dinamizatuko dute. Haurrentzat bereziki pentsatutako proposamen ludiko eta hezitzaile bat prestatu dute.
Jarduera sortzaileen eta parte-hartzaileen bidez, haurrek itsasoaren eta itsasoko energia berriztagarrien mundu liluragarria ezagutzeko aukera izango dute. Hauek izango dira egingo diren jarduera batzuk:
Marrazketa eta margoketa tailerrak
Txikiek beren irudimena askatu ahal izango dute, itsas turbina, olatu erraldoi edo itsas hondoetako izaki jasangarrien irudiekin.
Ipuin kontalari tematikoak
Haizearen, olatuen eta mareen indarrari buruzko ipuin bat, modu dibertigarrian aurkeztua.
Jolas didaktikoak
Talde dinamiken bidez, itsas energiak nola funtzionatzen duen eta zergatik den garrantzitsua gure ingurunea zaintzea ulertzeko. Aukera paregabea da ondo pasatuz ikasteko eta haurtzarotik hasita itsas ingurunea zaintzearen eta jasangarritasunaren garrantziaz jabetzeko.
Beste jarduera batzuk
Aurkitu zure etorkizuneko aukerak Euskal Herriko Unibertsitatean
Itsas energia berriztagarriak interesatzen zaizkizu? Euskal Herriko Unibertsitatean (UPV/EHU) sektore honetako edozein diziplinan profesional izatera eramango zaituzten aukera guztiak dituzu. Ingeniaritzaren eta beste karrera tekniko batzuen hainbat adarrekin, eta instalazio modernoetarako sarbidearekin, UPV/EHU leku ezin hobea da zu prestatzeko eta etorkizun jasangarrian laguntzeko. Kontsultatu zure gradu eta graduondoko aukerak!
Urpekaritzan hastapena Aketxe Klubarekin (Irailaren 27a, larunbata)
Urpekariak ezinbesteko profesionalak dira itsasoan egiten ditugun maniobra guztietan. Aketxe Klubeko taldeak OREgauan parte hartuko du.
Hurrengo egunean, murgildu urpekaritza taldearekin Santurtziko igerilekuan, ur azpiko sentsazioa esperimentatzeko. Gutxieneko adina: 18 urte. Edukiera: 20 pertsona. Aldez aurretik izena eman behar da. Izen-emateak irailaren 8an irekiko dira.
Ezinbestekoa da AISIAKO URPEKARITZA EGITEKO OSASUN EGOERARI BURUZKO GALDETEGIA betetzea eta jardueraren egunean inprimatuta eramatea.
